ہنڈا فلاسفی

ہنڈا فلاسفی بنیادی اعتقادات بشمول انفرادی احترام اور تھری جوائز شامل ہیں جو کمپنی کے اصول اور انتظامی پالیسیوں پر مشتمل ہے۔ یہ فلاسفی صرف تمام ملازمین کے درمیان مشترک نہیں ہے بلکہ کمپنی کی تمام سرگرمیوں کی بنیاد بھی فراہم کرتا ہے اور ہنڈا گروپ کے تمام ملازمین کے رویے اور فیصلہ سازی کے معیار کو طے کرتا ہے۔ اپنے خوابوں سے متاثر اور اپنے اقدار کی عکاسی کرتے ہوئے، ہنڈا دنیا بھرکے صارفین اور کمیونٹیز کے ساتھ خوشیوں اور جوش و جذبے کو بانٹنے کے لئے چیلنجز قبول کرتا رہے گا تاکہ ایک ایسی کمپنی بن سکے جس کے وجود کی معاشرہ چاہت رکھتا ہے۔

بنیادی اعتقادات

انفرادی احترام

منصوبہ بندی

اقدام سے مراد گمان میں آنے والے خیالات کا غلام نہ ہونا بلکہ تخلیقی سوچ رکھنا اور اپنی منصوبہ بندی اور فیصلے پر عمل کرنا ہے۔ لیکن اس دوران اس امر کا خیال رکھنا کہ ان امور کے نتائج کے لئے آپ کو ذمہ داری قبول کرنا ہو گی۔

مساوات

ہمارے ہر عمل کی روح مساوات ہے۔ ہمارے افراد ملازمین نہیں بلکہ یہ وہ ایسوسی ایٹس ہیں جن کے پاس ترقی کے مساوی مواقع موجود ہیں۔ ہم ایک دوسرے کے ساتھ اختلاف رائے کی قدر کرتے ہیں اور ہر کسی کے ساتھ منصفانہ سلوک روا رکھتے ہیں۔ کسی فرد کی نسل، جنس، عمر، مذہب، قومیت، تعلیمی پس منظر، سماجی و معاشی حیثیت اس کے مواقع پراثر انداز نہیں ہوتی۔

بھروسہ

ہنڈامیں ایسوسی ایٹس کے ساتھ رشتہ باہمی اعتماد کی بنیاد پر ہونا چاہیے۔ ایک دوسرے کو انفرادی طور پر تسلیم کرنے،کسی کی کمی کو دور کرنے میں مدد کرنے ، علم کی شراکت اور ہماری ذمہ داریوں کی مخلصانہ کوششیں کرنے سے بھروسہ قائم ہوتا ہے۔

تھری جوائز

جوائے آف بائنگ

ایسی مصنوعات اور خدمات فراہم کر کے خریدنے کی خوشی حاصل ہوتی ہے جو صارف کی ضروریات اور توقعات سے بڑھ کر ہو۔

جوائے آف سیلنگ

فروخت کرنے کی خوشی اس وقت محسوس ہوتی ہے جب ہنڈا پروڈکٹس کی فروخت اور سروسنگ کرنے والے افراد باہمی اعتماد کی بنیاد پر صارف کے ساتھ تعلق قائم کرتے ہیں۔ اس تعلق کے ذریعے ہنڈا ایسوسی ایٹس، ڈیلرز اور ڈسٹری بیوٹرز کو صارف کو مطمئن کرنے اور ان کے سامنے ہنڈا کی نمائندگی پر فخر اور خوشی محسوس ہوتی ہے۔

جوائے آف کری ایٹنگ

جوائے آف کری ایٹنگ اُس وقت ہوتی ہے جب ہنڈا پروڈکٹس کی ڈیزائننگ، تیاری، انجینئرنگ اور مینوفیکچرنگ کرنے والے ہنڈا ایسوسی ایٹس اور سپلائرز اپنے صارفین اور ڈیلرز میں خوشی کا احساس بیدار کرتے ہیں۔ تخلیق کاری کی خوشی اس وقت ہوتی ہے جب معیاری مصنوعات توقعات سے بڑھ جائیں اور ہم اپنے عمدہ کام پر فخر محسوس کریں۔

کارپوریٹ فلاسفی

عالمی نقطہ نظر کو برقرار رکھ کر ہم دنیا بھر میں صارفین کے اطمینان کے عین مطابق مناسب قیمت پر اعلیٰ معیار کی مصنوعات سپلائی کرنے کے لئے پُر عزم ہیں۔

انتظامی پالیسی

1. ہمیشہ جذبے اور جوانمردی سے قدم بڑھانا۔
2. جامع نظریے کا احترام کرنا، جدید منصوبے پیش کرنا اور وقت کابھرپور اور مؤثر استعمال کرنا۔
3. اپنے کام سے لطف اندوزہونا اور آزاد بحث کی حوصلہ افزائی کرنا۔
4. کام کی ترتیب وار روانی کے لئے ہمہ وقت کوشش کرنا۔
5. تحقیق اور جستجو کی قدر کے لئے ہمیشہ کشادہ ذہن رکھنا۔

ہنڈا ویژن 2030ء

دنیا بھر کے لوگوں کی خدمت بذریعہ ‘‘ان کی زندگی کی صلاحیتوں کو وسعت دینے کی خوشی فراہم کرنا’’ نقل و حرکت (مو بلٹی) کے میدان میں ترقی کی قیادت کرنا اور دنیا کے ہر حصے میں لوگوں کو اپنی روزمرہ زندگی بہتر بنانے کے قابل بنانا۔

سسٹینبیلٹی پالیسی

ہنڈا اٹلس کارز (پاکستان) لمیٹڈ (HACPL) پائیدار کاروباری طریقوں کے لیے پرعزم ہے جو ماحولیاتی، سماجی اور گورننس (ESG) کے اصولوں کو مربوط کرتی ہے۔ یہ ESG پالیسی HACPL کی ماحولیاتی و سماجی ذمہ داری، اور کارپوریٹ گورننس کے لیے ایک فریم ورک وضع کرتی ہے۔ پالیسی موسمیاتی تبدیلی، وسائل کی کمی، کمیونٹی کی فلاح و بہبود، اور کاروباری سالمیت کے بڑھتے ہوئے چیلنجوں کو حل کرتی ہے، اور تمام اسٹیک ہولڈرز کے لیے طویل مدتی فائدہ پہنچانے کو یقینی بناتی ہے۔ یہ پالیسی ہنڈا فلسفی اور 21ویں صدی کے لیے اس کے ویژن: ‘‘ایسی کمپنی بننے کی کوشش کرنا جس کی معاشرے نے چاہت کی ہے۔’’ کے عین مطابق ہے جو ‘‘خوشیاں پیدا کرنا’’، ‘‘خوشیاں پھیلانے’’ اور ‘‘اگلی نسلوں تک خوشیاں منتقل کرنے’’ پر زور دیتی ہے۔ ‘‘ہنڈا 2030ء ویژن’’ ایک اہم سنگ میل کے طور پر کام کرتا ہے، جو HACPL کو اپنے مقاصد کے حصول کے لیے واضح راہنمائی فراہم کرتا ہے۔
HACPL ان مقاصد کو حاصل کرنے کے لیے درج ذیل بنیادی اصولوں پر توجہ دے گا:

صحت و سلامتی اور ماحولیاتی پالیسی

ہنڈا اٹلس کارز (پاکستان) لمیٹڈ،پاکستان میں گاڑی بنانے والے نمایاں ادارے کی حیثیت سے صحت و سلامتی اور ماحولیاتی امور میں مستحکم کارکردگی کے ساتھ اپنی صنعتی سرگرمیوں کے لئے پرعزم ہے۔ ان مقاصد کے حصول کے لئے ادارہ پابند ہے کہ:

• تمام متعلقہ افراد کو اپنی صنعتی سرگرمیوں کے مضر اثرات اور جسمانی نقصان سے بچاؤ کے لیے ایک محفوظ اور صحت مند جائے کار فراہم کرے۔
• HSE کے نظام کے مؤثر نفاذ کے لیے ذمہ داریاں وضع کرے۔
• HSE کے تمام قابل اطلاق قوانین و ضوابط اور دیگر تقاضوں کی تعمیل کرے۔
• کارکنان میں صحت و سلامتی اور ماحولیاتی حل طلب معاملات کے بارے میں آگاہی اور سوجھ بوجھ پیدا کرے۔
• صحت و سلامتی سے متعلق معاملات میں کارکنان کی شرکت اور مشاورت کو بااختیار بنائے۔
• اپنی صنعتی سرگرمیوں سے پیدا ہونے والے خدشات و مواقع کی نشاندہی کرے اور ان کا جائزہ لیتے ہوئے اس امر کو یقینی بنائے کہ صحت و سلامتی اور ماحول سے متعلقہ خطرات کا خاتمہ، کمی یا انتظامی تدارک کیا جا رہا ہے۔
• کارکنان کو جائے کار سے درپیش خطرات کے خاتمے، ماحولیاتی آلودگی کی روک تھام اور HSE نظام کی بتدریج بہتری کے لیے مقاصد و اہداف وضع کرے۔
• عوام اور دیگر متعلقہ افراد کو اپنی HSE کارکردگی سے حسب ضرورت باخبر رکھے۔

کوالٹی پالیسی

ہنڈا اٹلس کارز (پاکستان) لمیٹڈ، اپنے صارف کے انتہائی اطمینان کے حصول کے لئے اعلیٰ معیار کی مصنوعات کی فراہمی میں کوشاں ہے۔ اس مقصد کی تکمیل کے لئے درج ذیل اصولوں پر عمل پیرا ہیں

• پرعزم کارکنان اور مستعد افرادی قوت کا باہمی اشتراک۔
• تمام متعلقہ قوانین و ضوابط پر عمل درآمد۔
• حکمتِ عملی اور اہداف کی مسلسل بہتری۔

توانائی پالیسی

ہہنڈا اٹلس کارز (پاکستان) لمیٹڈ، بحیثیت کثیر توانائی استعمال کرنے والے ادارے کے، اپنی توانائی کی کھپت کو کم کرنے اور اپنی سرگرمیوں کی طویل المدتی ماحولیاتی پائیداری کو فروغ دینے کے لئے کوشاں ہے۔ ان مقاصدکے حصول کے لئے ہم درج ذیل ذمہ داریاں نبھانے کے لیے پرعزم ہیں

• توانائی کے ضیاع کو روکنے اور اس کے تحفظ کو یقینی بنانے کے لیے متعلقہ سرگرمیوں اور ان کے ماحولیاتی اثرات کی نشاندہی اور تجزیہ کرنا۔
• ایسے اہداف و مقاصد کا تعین کرنا جو ہنڈا کے بین الاقوامی طویل المدتی نظریہ ‘‘سو فیصد کاربن سے پاک توانائی کے استعمال کا حصول’’ سے ہم آہنگ ہو۔
• توانائی سے متعلقہ قوانین اور دیگر تقاضوں کی تعمیل کو یقینی بنانا۔
• کارکنان میں توانائی کے منظم استعمال سے متعلق آگاہی پیدا کرنا۔
• ماحول دوست توانائی کے استعمال کو متعارف کروانا اور اس میں بتدریج اضافہ کرنا۔
• PDCA کے اصولوں کی بنیاد پر توانائی کے نظام کی کارکردگی کی مسلسل نگرانی کرنا اور اس میں مزید بہتری لانا۔

ہنڈا انسانی حقوق کی پالیسی

1948ء میں ہنڈا موٹر کے قیام سے ہنڈا نے لوگوں کی مدد کرنے اور اپنی ٹیکنالوجیز، خیالات اور ڈیزائن کے ذریعے ایک بہتر معاشرہ بنانے کے لیے مسلسل کام کیا ہے۔ آغاز سے ظاہر ہوتا ہے کہ اس طرح کی ہماری کاوشیں ‘‘لوگوں اور معاشرے کی مدد’’ اور ‘‘لوگوں کی زندگیوں کی صلاحیت کو بڑھانا’’ جیسی خواہشوں کا اعادہ کرتی ہیں۔ ان کوششوں کی بنیادی ‘‘افراد کا احترام’’ جیسے تصور پر ہے جو ہنڈا کے بنیادی عقائد کو تشکیل دیتا ہے۔ ہنڈا کا ماننا ہے کہ انسان آزاد اور فرد واحد کی حیثیت سے پیدا ہوا ہے جن میں سوچنے، وجہ معلوم کرنے، تخلیق کرنے اور خواب دیکھنے کی صلاحیت ہے۔

ہنڈا میں انفرادی اختلافات کے احترام، مساوی شراکت دار کے طور پر ایک دوسرے پر بھروسہ، ہر ممکن حد تک صلاحیتوں کے استعمال اور خوشیوں کی تقسیم کے ذریعے ان کی صلاحیتوں کو نکھارنا اور فروغ دینا ہماری خواہش ہے۔ اس نقطہ نظر سے، ہم اپنے بنیادی عقائد میں سے ایک کے طور پر اقدام، مساوات اور بھروسہ پر مشتمل تین عوامل کو اپناتے ہیں۔ ہم یقین رکھتے ہیں کہ یہ جذبہ تمام افراد کے ساتھ ہمارے تعلقات میں سرایت کر جائے۔

انفرادی احترام کے تصور کی بنیاد پر، ہنڈا نے ہنڈا ہیومن رائٹس پالیسی (‘‘پالیسی’’) تیار کی ہے تاکہ اسٹیک ہولڈرز کے انسانی حقوق کے احترام کی ہماری ذمہ داری پوری ہو جو ہماری کاروباری سرگرمیوں سے متاثر ہو سکتے ہیں۔ پالیسی کو عملی جامہ پہنا کر ہم ‘‘ایسی کمپنی بننا جس کی معاشرے نے چاہت کی ہے’’ کو برقرار رکھنے کے لیے مربوط انداز میں کاروباری سرگرمیاں بروئے کار لا کر اپنے اسٹیک ہولڈرز سے تعاون کریں گے۔

ہنڈا کنڈکٹ گائیڈلائینز - ہنڈا کوڈ آف کنڈکٹ

افرادی احترام اور تھری جوائز ‘‘جائے آف ہا ئنگ’’، ‘‘جوائے آف سیلنگ’’ اور ‘‘جوائے آف کری ایٹنگ’’ جیسے بنیادی عقائد سے رہنمائی لیتے ہوئے ہنڈا دنیا بھر کے لوگوں کے ساتھ خوشی بانٹنے کی کوشش کرتا ہے اور یہ خواہش رکھتا ہے کہ وہ ایسی کمپنی ہے جس کا وجود معاشرہ چاہت رکھتا ہے۔

اس فلاسفی پر عمل کرنے کے لیے ضروری ہے کہ ہم ہر وقت صارفین اور معاشرے کے ساتھ دیانت داری اور اخلاص سے پیش آئیں۔ اگر ہم اپنی ذمہ داری میں خلوص برقرار رکھنے میں ناکام ہو جائیں تو وہ اعتماد اور بھروسہ ضائع ہو سکتا ہے جو ہم نے برسوں میں قائم کیا ہے اور یہ ایک ایسا قیمتی اثاثہ ہے جسے دوبارہ حاصل کرنا نہایت مشکل ہو گا۔

اسی وجہ سے 2003ء میں ہنڈا نے ہنڈا کنڈکٹ گائیڈ لائنز کا اعلان کیا اور ان پر عمل درآمد کیا۔ اس دوران ہنڈا نے دنیا بھر میں اپنے کاروبار کو وسعت دی، اور ساتھ ہی صارفین اور دیگر متعلقہ فریقین کی توقعات میں بھی اضافہ ہوا۔ اس سے یہ بات واضح ہوتی ہے کہ ہم میں سے ہر ایک کے لیے ذمہ دارانہ اور با اخلاق رویہ اختیار کرنا پہلے سے کہیں زیادہ اہم ہو چکا ہے، جیسا کہ معاشرہ اور صارفین ہم سے توقع رکھتے ہیں۔

ان حالات کو مدنظر رکھتے ہوئے، ہنڈا نے ان رہنما اصولوں کو نظر ثانی کے بعد ہنڈا کنڈکٹ گائیڈلائینز کو ہنڈا کوڈ آف کنڈکٹ کی شکل دی ہے، جو دنیا بھر میں ہنڈا کے تمام ایسوسی ایٹس کے لیے دیانت داری اور اخلاقی رویے کا احاطہ کرتا ہے۔ ہمارے بانی سوئی چیر و ہنڈا نے کہا تھا: ‘‘جو کچھ آپ بناتے ہیں، وہ آپ کی شخصیت کی عکاسی کرتا ہے۔’’ میرا بھی یہی یقین ہے کہ ہر ہنڈا ایسوسی ایٹ کا صارفین کے ساتھ مخلصانہ رویہ ہی اعلیٰ معیار کی مصنوعات اور بہترین خدمات کو جنم دیتا ہے۔

ہنڈا کی مسلسل ترقی اس بات پر منحصر ہے کہ ہر ہنڈا ایسوسی ایٹ صارفین اور معاشرے کے ساتھ کس طرح کا رویہ اختیار کرتا ہے۔ ہنڈا فلاسفی کی رہنمائی میں، اور لوگوں کے خوابوں کو حقیقت بنانے کے عزم کے ساتھ، ہنڈا نے عالمی سطح پر کاروبار کرتے ہوئے صارفین اور معاشرے کا اعتماد حاصل کیا ہے اور دنیا بھر میں خوشیاں بانٹی ہیں۔ عالمی سطح پر توسیع کے نتیجے میں آج ہنڈا کے ایسوسی ایٹس دنیا کے مختلف ممالک اور خطوں میں کام کر رہے ہیں۔ ہنڈا فلاسفی پر مبنی سوچ اور رویہ ہر فرد کے لیے نہایت ضروری ہے تا کہ صارفین اور معاشرے کے ساتھ قائم اعتماد کو مزید مضبوط کیا جا سکے۔

اخلاص سے مراد یہ ہے کہ انسان فریب (بے ایمانی) اور دوغلے پن سے پاک ہو اور سنجیدگی و دیانت کے ساتھ کام کرے۔ حال ہی میں ہنڈا نے ہنڈا کوڈ آف کنڈکٹ کو اس مخلصانہ عمل کے طور پر قائم کیا ہے جس پر دنیا بھر میں ہنڈا سے وابستہ تمام افراد کو عمل کرنا چاہیے۔ صارفین اور معاشرے کے اعتماد کو مزید مستحکم کرنے اور ہنڈا کو ایسی کمپنی بنانے کے لیے جس کے وجود کی معاشرہ چاہت رکھتا ہو، ہنڈا اور اس کی ذیلی کمپنیوں کے تمام افسران، ڈائریکٹرز اور ایسوسی ایٹس (جنہیں مجموعی طور پر ہنڈا گروپ کہا جاتا ہے) کے لیے لازم ہے کہ وہ ہنڈا کوڈ آف کنڈکٹ کو مکمل طور پر سمجھیں، اس پر عمل کریں، اور اس کے مطابق دیانت دارانہ اور اخلاقی رویہ اختیار کریں۔

کوڈ آف کنڈکٹ کی خلاف ورزی کرنے والے اعمال پر کمپنی کی پالیسیوں اور قابل اطلاق قوانین و ضوابط کے تحت تادیبی کارروائی کی جا سکتی ہے۔

بزنس ایتھکس پروپوزل لائن (BEPL)

ہنڈا منصفانہ کاروباری طریقوں پر عمل کرنے کے لیے پرعزم ہے تاکہ تمام اسٹیک ہولڈرز کے مفادات کا تحفظ کیا جا سکے۔ ان اسٹیک ہولڈرز میں ہمارے شیئر ہولڈرز، صارفین، سپلائرز، ڈیلرز، ایسوسی ایٹس اور معاشرہ شامل ہیں۔ اسٹیک ہولڈرز کے مفادات اسی صورت میں برقرار رکھے جا سکتے ہیں جب کمپنی اپنا کاروبار شفافیت، منصفانہ اور مؤثر انداز میں، اور ہنڈا کے کوڈ آف کنڈکٹ اور اخلاقی رہنما اصولوں کے مطابق چلائے۔

بڑی کمپنیوں کے لیے یہ ضروری ہوتا ہے کہ وہ مضبوط انٹرنل کنٹرول سسٹمز نافذ کریں تاکہ اسٹیک ہولڈرز اور مجموعی طور پر معاشرے کے مفادات کا تحفظ یقینی بنایا جا سکے، اور اس بات کو یقینی بنایا جائے کہ کاروبار دیانت داری اور ذمہ داری کے ساتھ چل رہا ہے۔

ہنڈا کا طے شدہ وژن اور مقصد یہ ہے کہ وہ ایسی کمپنی بنے جس کے وجود کا معاشرہ چاہت رکھتا ہے۔ اسی لیے ضروری ہے کہ ایسے مؤثر نظام اور تنظیمی ڈھانچے قائم کیے جائیں جو کمپنی کے تمام کاروباری معاملات میں دیانت داری اور شفافیت کی ضمانت دیں، اور اسٹیک ہولڈرز اور معاشرے کی توقعات پر پورا اتریں۔ اس عمل کے ذریعے ہنڈا کی ساکھ اور مثبت تشخص کو مزید مضبوط اور محفوظ بنایا جا سکتا ہے۔

اسی مقصد کے تحت ہنڈا کارپوریٹ گورننس (HCG) قائم کی گئی ہے تاکہ مؤثر کارپوریٹ مینجمنٹ سسٹمز کے نفاذ کو یقینی بنایا جا سکے۔ ہنڈا کارپوریٹ گورننس اس بات پر زور دیتی ہے کہ ہنڈا کا ہر ملازم اپنی روزمرہ ذمہ داریوں کے ذریعے شفافیت، جوابدہی اور دیانت داری کے معیارات کو قائم رکھنے میں اپنا کردار ادا کرے۔

گائیڈ لائینز آن اِن سائیڈر انفارمیشن کنٹرول اینڈ
اِن سائیڈر ٹریڈنگ ریگولیشن

مقصد

ان ہدایات کا مقصد ہنڈا اٹلس کارز (پاکستان) لمیٹڈ (HACPL) کے انتظامی اصولوں کو واضح کرنا ہے اور HACPL کے حصص کی خرید و فروخت وغیرہ سے متعلق اندرونی معلومات اور طرزِ عمل کے معیارات کو متعین کرنا ہے، نیز ہر دائرہ اختیار میں متعلقہ قوانین کی خلاف ورزی کے نتیجے میں حصص وغیرہ کی اندرونی تجارت کو روکنا ہے، جس کی تعریف حسبِ ذیل ہے:

تعریفیں

ان رہنما نکات میں بیان کردہ اصطلاحات کی تعریفیں درج ذیل ہوں گی:

• ‘‘اندرونی معلومات’’ سے مراد ہنڈا کمپنیوں کے بارے میں ایسے مادی حقائق ہیں جن کا عوامی سطح پر انکشاف نہیں کیا گیا ہے۔
• ‘‘متعلقہ قوانین’’ کا مطلب ہے، انفرادی اور اجتماعی طور پر، مندرجہ ذیل قوانین اور آرڈیننسز، متعلقہ حکومتی آرڈیننسز، اور سیکیورٹیز اینڈ ایکسچینج کمیشن آف پاکستان (SECP) کے ضوابط۔
• لسٹڈ کمپنیز (اِن سائیڈر ٹریڈنگ کی ممانعت) ہدایات
• پاکستان اسٹاک ایکسچینج لمیٹڈ (‘‘ایکسچینج’’)کے لسٹڈ ضوابط
• فائنشیل انسٹرومنٹس اینڈا کھینچ ایکٹ آف جاپان (FIEA) اور متعلقہ حکومتی اور وزارتی آرڈینسز
• یو ایس سیکیورٹیز ایکسچینج ایکٹ 1934ء اور اس کے تحت قواعد (بشمول رول 10b-5) اور نیویارک اسٹاک ایکسچینج لسٹڈ کمپنی مینوئل
• دیگر مروجہ قوانین اور آرڈیننسز، متعلقہ حکومتی آرڈیننسز، اور ضابطے، سرکلرز، اور SECP کی طرف سے وقتاً فوقتاً جاری کردہ ہدایات
• ‘‘حصص، وغیرہ’’ سے مراد عام اسٹاکس، کلاس اسٹاک، وارنٹیز، اسٹاک کے حصول کے حقوق، اسٹاک حاصل کرنے کے حقوق کے ساتھ بانڈز، شراکت داری سرمایہ کاری کے ٹرسٹس، یا متعلقہ قوانین کے تحت اندرونی تجارت کے ضوابط سے مشروط دیگر مخصوص سیکیورٹیز اور آپشنز پر مبنی سیکیورٹیز ہیں۔
• ‘‘خرید و فروخت، وغیرہ’’ سے مراد خرید و فروخت، دیگر ٹرانسفرز یا معاوضے کے لیے ایکوئزیشنز، لین دین، اور فروخت کے دیگر ذرائع ہیں جو متعلقہ قوانین کے تحت اندرونی تجارت کے ضوابط سے مشروط ہیں۔

حصص وغیرہ کی خرید و فروخت

حصص وغیرہ کی خریدارو فروخت وغیرہ پر پابندی

• اپنے فرائض کی انجام دہی کے دوران مادی حقائق کا علم رکھنے والے HACPL کے ڈائریکٹر (ڈائریکٹرز)، سی ای او، ایگزیکٹوز اور ایسوسی ایٹس ان کے اظہار سے قبل HACPL وغیرہ کی خرید و فروخت نہیں کریں گے۔
• اپنے فرائض کی انجام دہی کے دوران مادی حقائق کا علم رکھنے والے HACPL کے ڈائریکٹر (ڈائریکٹرز)، سی ای او، ایگزیکٹوز اور ایسوسی ایٹس کو اگر مادی حقائق کا علم رکھنے والے کسی فرد سے ایسے حقائق معلوم ہوں تو وہ ان مادی حقائق کے اظہار تک HACPL کے حصص وغیرہ کی خرید و فروخت نہیں کریں گے۔
• متعلقہ قوانین کی پیروی میں کسی بھی ایگزیکٹو یا ملازمین شیئر ہولڈنگ ایسوسی ایشن کی جانب سے HACPL کے حصص وغیرہ کی خرید و فروخت ممنوع نہیں ہے۔
• اپنے فرائض کی انجام دہی کے دوران مادی حقائق کا علم رکھنے والے HACPL کے ڈائریکٹر (ڈائریکٹرز)، سی ای او، ایگزیکٹوز اور ایسوسی ایٹس مذکورہ بالا ایگزیکٹو یا ایمپلائی شیئر ہولڈنگ ایسوسی ایشن کے حق میں اپنی کنٹری بیوشنز کے حجم میں نئی شمولیت، کمی یا معطلی، آغاز یا تبدیلی اس وقت تک نہیں کریں گے جب تک ان مادی حقائق کا اظہار نہ کر دیا جائے۔
• مذکورہ بالا پیراگراف (iii) کے علاوہ، پیراگراف (i) اور (ii) کے قواعد کے قطع نظر، HACPL کے ڈائریکٹر (ڈائریکٹرز)، سی ای او، ایگزیکٹوز اور ایسوسی ایٹس متعلقہ قوانین اور ان ہدایات کی روشنی میں HACPL کے حصص وغیرہ کی خرید و فروخت کر سکتے ہیں۔

اینٹی ہراسمنٹ پالیسی

یہ اینٹی ہراسمنٹ پالیسی تحفظ خواتین بمقابلہ ہراسمنٹ بمقامِ کار ایکٹ 2010ء کے تحت مرتب کی گئی ہے۔ جس کا مقصد ہنڈا اٹلس کارز (پاکستان) لمیٹڈ (جسے بعد ازاں HACPL کہا جائے گا) کے تمام ملازمین کے لیے ایک محفوظ اور باعزت اور باوقار کام کرنے کا ماحول یقینی بنانا ہے۔

اس پالیسی میں کام کی جگہ پر ہراسمنٹ کیے جانے کے واقعات کی رپورٹنگ، تفتیش کرنے، ان کی جانچ پڑتال اور ان کے تدارک کے لیے طریقہ کار واضح طور پر بیان کیا گیا ہے۔

کمیونیکشن اینڈ ڈسکلوژر پالیسی

اس کمیونیکیشن اینڈ ڈسکلوژر پالیسی (‘‘پالیسی’’) کا مقصد ہنڈا اٹلس کارز (پاکستان) لمیٹڈ (‘‘کمپنی’’) سے متعلق سرمایہ کاری کرنے والے افراد کو آگاہی کے لیے مربوط فریم ورک قائم کرنا ہے۔

پالیسی مختلف اسٹیک ہولڈرز بشمول شیئر ہولڈرز، انویسٹرز، قرض دہندگان، کمپنی ایسوسی ایٹس، ریگولیٹرز، صارفین اور عوام الناس تک معلومات پھیلانے کے طریقہ کار پیش کرتی ہے۔

یہ پالیسی تمام روابط اور اظہار کے طریقوں میں شفافیت، مستقل مزاجی اور درستگی کو یقینی بنانے کے لیے وضع کی گئی ہے۔ یہ پالیسی کمپنی کے تمام ایسوسی ایٹس، اس کے بورڈ آف ڈائریکٹرز، اور اس کی ذیلی کمیٹی کے اراکین تک محیط ہے جو اس کی طرف سے بات کرنے کے مجاز ہیں۔

رسک مینجمنٹ پالیسی

مقصد اور دائرہ کار

یہ رسک مینجمنٹ پالیسی ہنڈا اٹلس کارز (پاکستان) لمیٹڈ (کمپنی)، جو کہ ایک لسٹڈ کمپنی ہے، کے اندر خطرات کی نشاندہی اور ان کے انتظام کے لیے ایک فریم ورک قائم کرتی ہے۔

یہ پالیسی ادارے کی تمام سطحوں پر لاگو ہوتی ہے اور مختلف قسم کے خطرات کا احاطہ کرتی ہے جو کمپنی کے آپریشنز، ساکھ، مالی کارکردگی، اور اسٹریٹجک مقاصد کو متاثر کر سکتے ہیں۔

انسداد ہراسگی پالیسی

یہ انسداد ہراسگی پالیسی کام کی جگہ پر خواتین کی ہراسگی سے تحفظ کا ایکٹ 2010ء کے تحت وضع کی گئی ہے تا کہ ہنڈا اٹلس کارز (پاکستان) لمیٹڈ (بعد ازاں HACPL کہا گیا ہے) کے تمام ایسوسی ایٹس کے لیے کام کے باوقار اور محفوظ ماحول کے قیام کو یقینی بنایا جا سکے۔

مقصد اور دائرہ کار

یہ رسک مینجمنٹ پالیسی ہنڈا اٹلس کارز (پاکستان) لمیٹڈ (لسٹڈ کمپنی) میں خطرات کی نشاندہی، جائزے اور انتظام کے لیے فریم ورک وضع کرتی ہے۔ اس پالیسی کا اطلاق ادارے کے تمام تر شعبوں پر ہوتا ہے اور یہ پالیسی کمپنی کے آپریشنز، ساکھ، مالیاتی کارکردگی اور اسٹریٹجک مقاصد جیسے کئی اقسام کے خطرات کا احاطہ کرتی ہے۔